唔知大家每次換電話最討厭 d 咩野? 我諗十個有九個都會話
係入過晒 d 電話最煩
尤其是兩部電話係唔同牌子既 so far 我未試過跌電話
每次換機我都係 copy & paste 咁過既
最爽既係最近(其實已經唔係最近)
由 k800i 換做 w910i 既時後
按個掣就可以經藍芽無痛咁過晒本 phonebook 之但係, 今次換機
我就無得咁疏乎
要逐個逐個電話入返 其實, 唔知會唔會有人趁呢個機會
將一 d 你永世都唔會 contact 既人
又或者係你覺得你以後都唔會聯絡既人
從你的 phonebook 中移除呢?
(其實就好似上年有個老細升職既時候
幫佢執卡片一樣) 可惜到最後我都係將 phonebook 裡面
99% 既電話入返晒落去 phonebook 度
(果一個我連佢個樣都唔記得,真係入落去都無用) 就算那個你認為你以後都唔會聯絡既人
那八個數目字, 其實早就在你心中的 phonebook 度
(當然, 要 provided that 對方都無換 number,
well .. 不過既然你認為你以後都唔會聯絡既人
對方換唔換 number 又與你何干呢?!)
入唔入落去本 phonebook 度, 其實只係一個 means,
並唔代表你能夠忘記呢個人, 同佢一齊既事 .. 另一個電話裡面超方便既功能係 speed dial
唔知大家會如何編排這八/九個數目字呢?
在我心目中已經有一個排名,
可惜, 二號仔同三號仔, 已經很久沒有啟動過了
現在, 就連七至九號三個仔我也讓它們空著了 第三個想講既, 係分組鈴聲
其實呢個 function 係我近幾年先開始用
但係我又唔會好細分咁邊 group 人係咩野鈴聲
通常, 都係會有一個與別不同的人,
有一個與別不同的鈴聲 .. 原來一個簡單的科技, 可以有咁多聯想
難怪 kary 話, 分手既時候, 連手機都要轉新 = =" p.s. 我部每日一 restart 既 w910i
不得不讚它最好既 function 係 smart dial
我打四個 number,
就可以揀到以呢四個 number 開頭既 number
不論係 incoming 定 outgoing call
係唔係 phonebook 都有 record
即使你打錯唔夠八個字都入左 record
我懷疑就係呢個只識 expand 唔識 digest 既 function
搞到部機 run 起上黎唔夠 ram, 結果 restart ..
而家轉左 SX862 無左呢個 function 突然唔係好慣 tim | 
